近日，小編港島區發現咗一間逢週末都 full house 嘅型格 café，除咗裡裡外外坐滿嚟歎 brunch 同飲 happy hour 嘅俊男美女之外，入面仲有唔少可愛狗狗嘅蹤影。
Café 裝潢走工業風路線，而門口嘅大鐵門更成為 café 嘅 signature，引嚟唔少 KOL 專登遠道而來打卡，真架勢呀！
另外，不得不提嘅係，Café 除咗 cater人類嘅口腹之樂外，狗狗嘅脾胃佢哋都關顧埋㗎！Café 特設「狗狗餐牌」，食物賣相仲好精美添呀，同人類嘅美食一齊放喺檯面，小編都真係分唔到邊樣係 for 狗狗食、邊樣係 for人食㗎！
喺香港有 Dog Menu 嘅 café 唔多，一間可以畀你同狗狗同飲同食，仲要咁 hip 嘅港島區 café 都真係少之有少，趁近排天氣涼涼哋，不妨可帶狗狗去坐下門口位食個 brunch、chill 下、感受下久違了嘅一抹清風啦！
地址：天后清風街 16 號
