唔少主人都好似小編咁,疫情下嘅假期都會帶狗狗去效遊去下草地咁,不過去得多狗狗唔悶自己都有啲悶…今日,小編決定唔上山、唔行草地;我哋落海!
古董中式帆船「鴨靈號」嘅歷史由來:
船隻名為「鴨靈號」,係香港目前唯一仍在運行嘅古董中式帆船,係昔日漁民出海捕魚嘅漁船。每當踏上呢艘古董船舺舨嘅時侯就好似穿越咗時空隧道咁,好似返番六、七十年代嘅維多利亞港咁。
「鴨靈號」喺 1955 年製造,依家已經 65 歲喇。因為船身形狀遠望似隻鴨仔,船主所以將船取名為「鴨靈」。
隨住新式機械船嘅出現,中式帆船逐漸被淘汰,直到 1985 年,一位法國商人買咗「鴨靈號」,佢花咗近三年時間將佢復修;及後,一家外國公司收購咗「鴨靈號」,再轉租畀旅發局作旅遊推廣用途,我地今日先可以有幸坐上呢艘咁有歷史價值嘅中式帆船上面遊維港咋。
帶狗狗上船出海吹吹風
「鴨靈號」最近有見越來越多人養狗,所以推出一個名為「你最得寵渡維港」嘅 package,主人可以帶狗狗乘坐鴨靈號享受 1 小時暢遊維港嘅時光。喺船上可以同狗狗一齊吹下海風、欣賞下維港兩岸嘅風景,幾咁 chill?同狗狗喺船上影下相打卡,真係出個 ig post 閒閒地可以呃番幾百個 like 呀!想同狗狗假期嚟個特別啲嘅 getaway,上鴨靈號係個唔錯嘅選擇嚟㗎!
「你最得寵渡維港」套餐詳情:
- 2 人+ 1 寵物乘坐鴨靈號可享 1 小時船程 (HK$1,314)
- 可獲贈船上非酒精飲品任飲
- 可於大館鴨靈號店免費換領鴨靈福袋兩套(價值 HK$200)
溫馨提示:
- 寵物上落船時要入袋或入籠。
- 首隻寵物免費上船,第 2 隻起每隻 HK$100,以 3 隻為限。
- 請提早最少 3 天前預訂。
特別鳴謝:鴨靈號
Model:Patip;狗狗:大釘