【浪浪別哭!其實除了人道毀滅,香港還有其他的選擇】

流浪動物問題,一直都係香港好多愛狗貓人士同相關團體致力想改善嘅問題,由其係推動相關動物福利法案與解決方法。不過,由於流浪動物問題已經存在已久,令市民對於「浪浪」嘅存在都習以為常,因此都好難透過少數人或團體嘅推動,就可以令所有人甚至政府重視「浪浪」問題。

 

然而過去數十年,香港政府一直都依賴捕殺嘅方式解決「浪浪」嘅問題。不過,單靠「捕殺」似乎並不能解決「浪浪」數量嘅問題,更解決唔到棄養或非法繁殖嘅問題。可見對比起其他先進城市,香港嘅流浪動物政策一直落後於人,例如:台灣、德國等國家。若香港想要解決流浪動物問題,可以參考哪些國家嘅成功例子呢?

 

為何會有流浪動物?

根據漁護署統計,2019年香港嘅流浪貓狗約有1269隻(不計被接收)。不過,每年亦有過千隻「浪浪」因冇人領養或接收而被殺。

 

  1. 棄養放養

現時香港有大部份人想養寵物,不過現實生活結終同夢想唔同,例如:狗狗需要大量時間照顧、訓練與陪伴;每隻貓狗都有唔同個性,而且同寵物嘅相處當然唔會同電視電影一樣美好,令好多唔負責任嘅寵主喺體會到殘酷嘅現實後,開始用各種唔同嘅理由棄養寵物。

浪浪送行者

 

  1. 非法繁殖場

依照《公眾衞生規例》規定,任何人不得販售特定寵物,現時所有動物售賣商,包括動物繁殖場及寵物店,必須領有牌照。但係非法繁殖者仍然橫行,而好多非法繁殖者甚至會將已經無法再繁殖嘅種犬或樣唔靚嘅幼貓犬直接丟棄。

浪浪送行者

 

  1. 結紮及晶片規定不明

植入晶片如同寵物身分證,當貓狗走失時相關人仕都可以透過晶片找回主人。而結紮手術則可以避免狗狗過度繁殖,減少寵物販售、棄養的數量。不過,仍然有好多寵主無視,並且喺漁護處並冇強制實施以及向民眾宣導相關觀念嘅情況下,實施情況依然不佳!

浪浪送行者

 

想解決流浪動物問題有什麼方法呢?

浪浪送行者

 

1.建立完善法律

可以參考嘅有德國嘅《狗稅》,飼養狗狗需要納稅及購買強制保險並植入晶片;又或者參考荷蘭嘅《動保法》,如因疏忽照顧﹑未有就寵物嘅病情給予應有嘅醫療亦有機會被判入獄!等等嘅完善法律都可以有效減少棄養及阻嚇未有決心照顧寵物一世嘅人仕。

 

2.提高民眾對領養的意識

有些國家會自幼稚園、小學開始就教育學生動物保護嘅觀念,教導孩子了解貓狗等動物跟人類都擁有相同樣嘅權利,令小朋友知道牠們係同伴家人而唔只係寵物咁簡單。而且更會喺寵物店或寵物醫院設立領養部,令更多潛在領養人可以認知及接觸流浪動物,從而開拓領養渠道。

 

3.嚴格監管繁殖場

除咗對於寵主有要求之外,對於寵物店及繁殖場都有嚴謹嘅標準;對於開辦繁殖場有非常高標準及限制,例如需要具備符合下列資格:獸醫資格、動物相關學科畢業,且每隻狗嘅生育年齡亦會被限制,令繁殖場不能過度利用動物繁殖。

 

雖然香港喺流浪動物嘅關注及處理上仍有好多不足,不過亦有好多民間組織、團體致力為「浪浪」爭取權益,並向大眾宣導正確嘅動物保護及領養觀念。有關團體及領養詳情可以觀看https://bit.ly/3kmhINH

Share埋比朋友啦

你可能會喜歡