對於新手貓奴嚟講貓貓久唔久會嘔吐都會有啲驚，不過有時未必係身體唔舒服引起，咁你又知唔知係咩原因令到貓咪嘔吐呢?
1️⃣生理性嘔吐
舔毛做清潔時可以話係貓咪之日常，喺舔毛嘅同時都會將毛髮吞落肚，由於毛球係無辦法消化，所以貓咪會定期將消化唔到嘅毛毛嘔返出嚟。如果嘔吐物混住毛球的話一般都係生理性嘔吐，貓奴唔洗太擔心。
2️⃣進食得太快
如果嘔吐物見到未完全消化嘅食物，就有機會因為貓咪食得太快令到消化不良，而將食物嘔返出嚟， 建議少食多餐，或者使用慢食碗令貓咪放慢食飯速度。
3️⃣ 轉換新糧食
轉糧對於腸胃敏感嘅貓咪都有機會引起嘔吐，如果要幫貓咪轉糧，建議奴才有一星期緩衝期，並用新糧加舊糧方式，逐步增加新糧比例，俾時間貓咪腸胃慢慢適應。
4️⃣ 情緒壓力
貓咪對周遭環境非常敏感，轉換環境、噪音或者有陌生人到訪都會令貓咪變得緊張，壓力情緒都會出現嘔吐情況。
5️⃣ 吃進無法消化異物 ·
貓咪都係好奇動物，家居好多物品都係佢哋玩具，一唔小心就會吞入異物例如膠袋、毛線、植物等無法消化嘅異物，都會以嘔吐方式發生排出，為咗避免貓咪誤吞異物，奴才最好將物品收好。
雖然貓咪嘔吐唔一定係唔舒服，但如果貓咪持續無食慾、消瘦，奴才就要馬上帶貓咪去睇醫生喇~
相片來源: 網絡圖片
