【新手定老手主人 毛孩長遠健康一切從幼開始 幼貓篇】
無論新手定老手主人，照顧幼貓幼犬永遠都有學唔完嘅學問，好多小問題搞唔好隨時會有潛在健康風險，甚至可能生命危險，而且毛孩出生首年非常關鍵，主人一般都係由疫苗💉、絕育同杜蟲🦠三方面入手， 為毛孩長遠健康打好基礎。
雖然香港法例並無規定貓貓需要打疫苗💉，但常見三大病毒- 泛白血球減少症、皰疹病毒、卡里西病毒喺貓界都非常普遍，一般主人都會打俗稱3合1即FVRCP (F3) 疫苗。但係唔同情況下，例如屋企有多過一隻貓貓，又或者會同貓貓出街，貓貓都有可能接觸到唔同嘅病毒，主人如果想為貓貓提供額外保護就要留意喇。
以城大動物醫療中心CityU VMC 幼貓健康計劃所提供嘅疫苗為例，疫苗分核心同非核心，除咗基本疫苗FVRCP疫苗外，主人仲會可以根據貓貓生活習慣考慮接種相關嘅額外嘅疫苗，例如貓白血病疫苗(FeLV)、狂犬病疫苗，而所有疫苗都係按照國際專業認可的疫苗注射指引，例如參照美國貓科執業協會建議，為所有1歲以下的幼貓接種FeLV，有助減低患上貓血病嘅風險，更有效預防而減低患致命疾病嘅可能性。
除咗疫苗，絕育同杜蟲都一樣重要，絕育唔單止可以預外意外懷孕，仲能大大減少患上癌症或者同生殖器官相關疾病嘅風險，例如能減低貓囡囡患上子宮感染、乳腺腫瘤等機會。至於寄生蟲，未必同衞生習慣有關，貓BB最容易感染例如蛔蟲等體內寄生蟲，可以話防不勝防，所以定期杜蟲可以保護幼貓免受寄生蟲嘅威脅，幫助佢哋健康成長。
照顧幼貓幼犬真係千頭萬緒，作為主人當然想俾最好嘅毛孩，但有時真係唔知點樣揀。所以最好都係諮詢專業意見。好似CityU VMC 幼貓健康計劃咁，由獸醫同醫護組成團隊，喺毛孩出生首年提供全方位跟進以及持續性嘅醫療照顧，亦會根據毛孩狀況提供醫療建議，及早抽出潛在疾病，把握防病嘅最佳時機，並可以有助減低患上一啲本身可以提早預防、更有機會致命疾病的可能性，為毛孩長遠健康把關。
CityU VMC 幼貓健康計劃
👉4次健康諮詢及報告
👉建議所需的幼犬及幼貓疫苗
👉杜蟲
👉絕育
計劃詳情 👉https://bit.ly/3OExH8O
資料及圖片來源: https://cityuvmc.com.hk
