據資料顯示，貴婦狗、摩天使、史納莎、雪橇犬、法鬥、金毛尋回犬、古英國牧羊犬同拉布拉多，都係先天較容易患上白內障嘅狗種。
導致狗狗白內障嘅成因
狗狗患白內障同人類相似，隨住年紀老化，眼球嘅水晶體都會開始衰老而變得混濁。如果長期畀紫外線照射，仲會加速眼睛老化，令狗狗白內障加速形成添㗎。另外，患有遺傳疾病同糖尿病，都會令白內障加劇。
狗狗白內障嘅 4 大徵兆
- 水晶體混濁呈奶白色
- 經常撞牆、撞柱、撞跌屋企野
- 雙眼無神，無焦點
- 容易受驚
目前嚟講，白內障都只能夠通過手術解決，但對年老狗狗嚟講，做手術有一定風險，所以獸醫一般唔多建議主人幫年老狗狗做。主人唯一能夠做嘅就係畀狗狗食多啲補眼食物，如藍莓、紅蘿蔔、西蘭花、含有大量 Omega-3 深海魚、南瓜及番茄等，畀狗狗吸收多啲維他命C及葉黃素（Lutein）抗氧化物，以延緩老化及狗狗眼睛衰退嘅情況。
資料來源：veca
