疫情 WFH 期間,相信唔少貓狗奴都會遇到呢個情況 – 開 Zoom meeting 嘅時候,貓狗狂抓你要你畀佢上櫈坐,係都要黐住你先安樂。畀佢坐上大脾一陣之後,自己又腳痺;放番佢落地一陣,佢又要抓你要你畀佢坐番上大脾。呢個情況全日不停循環,貓狗奴都大呻:「咁樣點做野?」
瑞典設計師 Simone Giertz 同我哋一樣,喺疫情 WFH 期間遇上同一問題。一日,佢靈機一觸,自己設計兼親自動手為黐身愛犬 Scraps 造咗張「寵物友善工作椅」。工作椅嘅坐椅位嘅寬度足以容納人同寵物,因此當做緊野嘅時候,寵物都可以舒舒服服坐喺旁邊。另外,工作椅設有樓梯,方便寵物自行上落;樓梯仲有小櫃筒,可以用嚟存放寵物零食,主人餵食連郁都唔洗郁!都未夠呀,工作椅嘅坐椅位置下面仲有間狗屋添呀,當寵物想午睡但又想繼續黐住你嘅話,佢就可以落一層去狗屋瞓下晏覺咁,真係諗得好週到!
睇完唔知大家又會唔會都好似小編咁想買番張?
資料來源:Youtube @simonegiertz