月前,一隻生活喺阿拉斯加 (Alaska) 嘅狗狗 Archer 遇到一場大火,被嚴重燒傷。消防員趕到現場並立即帶佢去到最近嘅獸醫診所,但由於該區嘅動物緊急醫療技術有限,而 Archer 嘅傷勢又咁嚴重,佢哋決定聯絡當地動物醫療專家 Dr. Michelle Oakley。
Oakley 將 Archer 被魚皮覆蓋嘅相 post 到社交平台,希望為 Archer 籌得善款加快治療過程。可能因為 Archer 望落去好似戴咗龍鱗面具嘅武士,當地人立即為 Archer 改咗個有趣花名 – “Archer the Dragonslayer” (屠龍者 Archer) 。
雖然 Oakley 醫生免費為 Archer 提供治療,但當地居民及網民見到 Archer 嘅相之後,都落力為 Archer 籌集更多嘅額外醫療費用,用以購買消毒設施、繃帶及其他醫療物資等。
經過數個月嘅魚皮治療,Archer 由一隻光禿禿嘅狗狗變番一隻幾乎完全癒合嘅快樂狗狗。Oakley 認為治療取得空前成功:「治療儘管係一個異常痛苦嘅過程,但係 Archer 從來都無停止過向我哋擺尾,全程都好合作,亦無向我哋吠過一聲,佢嘅友善、全力配合同戰鬥精神,絕對係治療成功關鍵之一,我哋都要多謝 Archer!」
資料及相片來源:Nat Geo Wild