美國德州休斯敦市一個寄養者 Caitie Evers 為被營救嘅懷孕金毛尋回犬 Lily Mae 拍攝孕照。相中 Lily Mae 戴住花冠展現幸福嘅笑容。
拍攝完成 3 日之後,Lily Mae 誕下 8 隻幼犬,Caitie 仲為幼犬拍咗唔少可愛 new born 相添。
好多網友都好奇 Caitie 點解會有幫狗狗拍攝孕照嘅想法,Caitie 希望透過流浪犬孕照提高社會對動物福利嘅認識,並鼓勵大眾要好好對待動物。
「我哋喺街上見到 Lily Mae 時佢已經懷孕,好幸運我哋能夠及時遇到佢,如果唔係,佢未必能夠喺合適嘅環境下分娩,幼犬都未必可以存活落嚟。為 Lily Mae 拍攝孕照係我自己嘅主意,剛巧我朋友 Shauna 係一位攝影師,所以我就邀請佢幫 Lily Mae 喺附近嘅公園進行拍攝。出嚟嘅效果好好、好自然,Lily Mae 似乎都影得好開心。」
後記:Lily Mae 及 8 隻幼喺拍攝後幾星期已經揾到佢哋嘅 forever home 喇!
攝影:ig @shaunakiely_photography
資料來源:metro.co.uk