隨住大圍新地標商場圍方開幕之後,毛孩又多一個新蒲點,雖然狗狗喺商場範圍內唔可以落地,不過商場仍然設有唔少寵物友善設備方便主人,而且仲有戶外休憩空間俾毛孩奔跑添
跑完當然要同毛孩醫肚啦,商場入面都有唔同寵物友善餐廳可以揀,位於商場三樓嘅 MOOJOO Lifestyle Cafe,本身喺西營盤都有分店,都一樣係寵物友善,所以受到唔少主人歡迎。圍方新店老遠就見到牆上一大個毛孩腳印,店入面仲有唔少毛孩裝飾,非常可愛,食物方面都係以西式為主,人氣雞蛋仔同用寵物做主題嘅特飲都係賣點之一,可以涼住冷氣同毛孩一齊行街街就係最幸福喇~
毛孩喺商場範圍內雖然唔可以落地,但有戶外大草地可以自由奔跑~
腳印大logo 幾乎係必影打卡位~
店內仲有唔少毛孩裝飾~
食物以西式為主,有人氣雞蛋仔,仲有用毛孩做主題嘅飲品
餐廳資料: MOOJOO Lifestyle Cafe
地址: 大圍圍方3樓335號舖
相片來源: 相片來源:@poodlebunbun @moojoohk