好多人都知貓咪好鐘意搞破壞,特別鐘意將物件掃落地,貓咪嘅存在就係訓練奴才要放好物品。到底貓咪點解咁鐘意咁做, 係單純手賤定係另有原因呢?
1️⃣ 打獵天性
雖然貓咪被馴養多年,但祖先嘅打獵嘅天性仍然存在,當遇到比自己體型細嘅物品就想用手去探索一下,睇吓到底係咪活物,由於貓咪唔再喺野外生活,除咗老鼠小強之外,屋企就只有細小物品可以俾貓咪探索了。
2️⃣ 吸引奴才注意
即使貓咪再高冷都想吸引奴才關注,除咗會瞓喺地下露出肚皮要摸摸,將奴才心愛嘅物品掃落地都係一個好方法。而幼貓都會用聲音去吸引貓爸媽注意,所以貓咪都會將物品推跌落地下,發出聲響嚟吸引奴才注意。
3️⃣ 自我娛樂
貓咪貪玩好奇,以往喺野外可以追逐小動物嚟玩,但喺屋企陝小空間實在無太多娛樂, 所以貓咪總會搵一啲物品當玩具,而奴才放喺抬上或者櫃上嘅物件就好自然成為貓咪嘅目標。
相片來源: 網絡圖片