【唔想狗狗屋企狂吠 主人要先了解亂吠原因】
狗狗成日亂叫令到主人相當頭痛,嚴重嘅仲會影響到鄰居,要解決問題就要先了解原因。
1️⃣分離焦慮
有啲狗狗害怕單獨喺屋企而產生焦慮,佢哋會透過好多方式嚟表達不安,而吠叫就係其中一種, 為咗令狗狗適應同主人分開,建議主人用漸進式嘅分離,慢慢減輕狗狗焦慮嘅情況。
2️⃣無聊
狗狗獨自喺屋企如果無同伴或者玩具解悶時,都會透過叫聲引起注意,主人可以準備一啲益智類嘅玩具比狗狗打發時間。
3️⃣有人侵犯地盤
狗狗天生的地盤意識非常強烈,對於門外嘅聲音好敏感,如果有人經過狗狗都認為係地盤受到威脅,所以會用吠叫嘅方式警告同宣示自己嘅領土。
4️⃣害怕
狗狗聽覺比人類靈敏,對於特如其來嘅聲音好似行雷、落大雨、地震、炮炮聲都會驚動狗狗,而狗狗只能用叫聲表達自己嘅恐懼 。
相片來源: 網絡圖片