【🐕狗狗獨享200尺寵物美容室🛀西貢WM Hotel寵物空間🍙】

西貢新開的新酒店又大又靚大家應該都收到風!新設嘅寵物空間原來都好值得推介!
WOOF MAGIC 是一間一站式寵物服務概念店,提供西式及泰式料理外,同時有寵物烘焙食品、寵物美容服務等;裝潢走文青cafe風格,以木為主要元素,處處都是充滿特色的打卡點。
今次又同湯圓出動啦!睇吓有咩玩!

Woof Magic位於西貢WM Hotel入面,所以呢度嘅寵物Spa都係酒店級,佢哋主張「無恐懼式寵物保健美容服務」。每隻狗狗獨享200尺寵物美容室,因為如果同一間房裏面,有好幾隻狗仔排隊等沖涼,係好容易令狗仔感到驚恐同壓力,特別對啲敏感型嘅狗狗,所以依個安排係超貼心㗎!

 

湯圓沖完涼出嚟好似變咗第二隻狗咁白咗好多,毛毛好鬆軟,仲要超級香!重點係佢心情都好似好咗好多㗎!即刻勁活潑!周圍同狗仔玩,,我真心覺得佢哋嘅香薰療法好有用,幫到狗仔減壓!

美容師手勢超細心、會播放柔和音樂同狗仔影片、令狗狗放鬆心情去享受美容服務、重會使用不含防腐劑或酒精嘅花香鎮靜噴霧、整個過程都可以舒緩狗狗焦慮情緒,主人擔心嘅話都可以在場陪同狗狗美容,我就非常放心啦!有人幫我托兒!我就周圍買下野啦!

 

呢度產品種類非常多,係眼花撩亂嘅程度,衫仔好可愛,價錢中規中矩。依個自助零食櫃賣嘅零食,都係冇防腐劑,冇調味料,另一邊個中式茶點櫃,仲係暖添㗎!食物超精緻,超靚啊!順手就介紹埋呢一個新春賀年禮合!都係$98姐!趁着新年買嚟送禮都唔錯喎!

呢度食物有西餐同泰式選擇,味道就正正常常啦~環境都好舒服~可以慢慢坐同朋友傾吓計!

玩完就到湯圓食嘢啦!呢個有金箔嘅狗狗飯團一打開!湯圓就急不及待食晒啦!
原來食物都係每日新鮮製造,唔怪得湯圓食得咁開心啦!總括而然呢我係非常推介呢個地方俾大家~

唔好以為佢喺西貢酒店地段,寵物spa嘅價錢都會好貴!湯圓呢一個體重(5.5kg)呢一次嘅韓式Milk Spa都係$350咋!
同埋真心feel到職員對狗狗好好,雖然對我來講有啲遠!但我都會想再返嚟光顧~事後問返,原來佢哋有提供狗狗接送服務,價錢一定平過搭的士~
就算主人唔得閒 佢哋都可以安排人手接送狗狗安全返屋企!

大家趁着長假期都可以入嚟西貢玩下!

📍#WoofMagic @woofmagic
西貢惠民路28號WM酒店LG樓C2B號舖
⏱️11:00 – 20:00

Share埋比朋友啦!

你可能會喜歡

追蹤我們

追蹤我們

shutterstock_1713613738_R 拷貝

Copyright © SmartPetPet

Smart Pet Pet 成立以來一直提供世界各地有用的寵物資訊,並以寵物最 Smart、有趣、可愛、治癒的一面為大眾提供正能量。 我們亦會為大家介紹及比較最新、最潮的寵物用品,讓至 Smart 的您有最佳選擇。

關於投稿內容、查詢廣告合作、分享有關毛孩的新聞稿,歡迎隨時聯絡我們!