狗狗除咗係寵物、人類忠心朋友，仲係身負重任嘅工作犬好似輯毒犬、搜救犬，每逢地震都會見到搜救犬身影，對於依位狗狗英雄大家又認識幾多呢?
1️⃣腳掌散熱
好多人都覺得狗狗腳掌無任何保護就進入災場係非常危險，但其實狗狗腳掌有散熱作用，如果着住鞋反而會阻礙散容易造成濕疹。
2️⃣感知地形變化
狗掌除咗可以散熱，其實狗掌仲有感知地形變化嘅作用，狗掌如果預測地面傾斜、濕滑或者不隱嘅時候，狗狗會伸出腳爪保持平衝以免受傷。
3️⃣入災場前要除去胸背帶、頸圈
大家都知道災埸環境非常危險，所以搜索犬入災場前要除去胸背帶、頸圈以免勾住被困。
4️⃣狗狗都要體能訓練
為咗保持最佳狀態，搜救犬都要定期做運動包括爬山、跑步、游水、重量訓練同埋有氧訓練。
5️⃣世上最難通過搜救犬救援能力認證要36小時
除咗有良好體格，搜救犬仲要接受測試，MRT搜救犬救援能力認證係世上公認最難通過嘅測試。測試 不分晝夜進行，限時36小時仿實際救災模式人命搜救，要完成7個場地搜索。
6️⃣小型犬都可以做搜救犬
大家普遍認為大型犬先可以成為搜救犬，但其實喺某啲狹小嘅環境，中大型犬隻難以深入救援，而小型犬就相對適合穿梭在瓦礫堆進行救援！
相片來源: 網絡圖片
