當狗狗嘴巴打開、舌頭放喺牙上，主人都會覺得狗狗正在笑，但其實要分辨狗狗真笑定假笑要睇埋其他肢體語言去判斷㗎~
狗狗臉部肌肉唔發達，唔會好似人咁用表情來表示喜怒哀樂，如果狗狗露出笑臉，不過耳朵直立、身體僵硬，甚至將視線移去旁邊、唔睇你，其實係處於緊張狀態。
真正快樂嘅狗狗除咗笑臉之外，仲會出現飛機耳、眼睛瞇起，尾巴不停搖同時用可愛嘅眼神望住你。
不過都有另一種講法就係狗狗露出「笑臉」後，主人都會做啲正面回應，例如：稱讚撫摸、給予零食，所以狗狗會逐漸將咧嘴笑同獲得獎勵做連結。
大家不妨都同狗狗做笑臉訓練喇~
相片來源: 網絡圖片
