成日都話貓係水造，佢哋總可以塞入各式各樣嘅容器，無論容器幾細都好，貓咪總有辨法將自己填好填滿，其實貓咪咁樣扭曲身體會痛嗎? 要知道貓科動物係天生獵人，不單止擁有狩獵天性，仲有隱藏好自己唔俾發現嘅本能，所以佢哋都能夠縮細身型擠入狹小空間，而依個本能就同佢哋身體結構有好大關係。
貓咪全身骨頭一共240塊左右，有超過500塊肌肉和肌肉組織，依啲組織能夠幫助貓咪喺每一次活動中都處於最佳狀態，令貓咪變得更加靈活柔軟。而貓咪嘅胸部肋骨比較細，胸廓很窄，所以貓咪能夠輕鬆穿過狹小嘅空間。
另外貓咪嘅脊柱中間有厚厚嘅纖維軟骨，加上鎖骨只係同肌肉連接，無同骨頭連接，所以貓咪可以柔韌靈活地活動，可以塞入各種形狀嘅容器。
相片來源: 網絡圖片
