毛孩唔識講嘢只可以靠身體語言表達，好多主人以為打喊露就等如眼瞓，但其實其他原因都會令毛孩打喊露㗎~
1️⃣想瞓覺
毛孩同我們一樣，攰嘅時候腦部會缺氧，打喊露可以吸入多啲氧氣嚟提振精神，都表示毛孩需要休息喇!
2️⃣消除不安
當毛孩覺得緊張、焦慮嘅時候，會做出一些特定嘅動作例如擰轉頭、轉圈或者打喊露嚟消除自己不安。
3️⃣示好
第一次同新朋友見面為咗表示自己無害同友善，毛孩都會打喊露希望可以消除對方戒心。
4️⃣無聊
毛孩大部分時間留喺屋企有時都會覺得無聊，隨住身體放鬆毛孩就會打喊露，主人可以多啲陪吓毛孩等佢哋唔好咁悶。
相片來源:網絡圖片
