音樂治療🎵、藝術治療🖼……相信好多人都有聽過,而動物輔助治療🥰,你又有冇聽過呢?Ivy Chan 和 Jacquelin Wong,就係 香港動物輔助治療協會 嘅其中一員。Ivy入行3年,係香港動物輔助治療師(社工),而Jacquelin同狗狗(Monnay)已入行5年,係動物輔助引導員及治療犬。
香港動物輔助治療協會(HKAATA)係一間自負盈虧嘅非牟利機構(NGO),於2008年開始將動物輔助治療結合社工工作(邊緣青年、問題兒童等),為服務對象度身訂造有效嘅治療介入手法。並於2013年正式成立,由不同嘅專業人士組成,包括資深社工、輔導心理學家、註冊教師等等。
而動物輔助嘅治療方式,其實喺國外已經成熟;所謂治療犬(Therapy Dog)係指受過訓練、性情穩定且親人嘅狗狗。從而運用動物可愛療癒嘅力量🥰,幫助人們穩定情緒、學習社交,且獲得安全感🤗。
Edit: Raysin