你以為貓狗有口臭係正常嘅❓或者你好羨慕人地嘅狗狗牙齒潔白、又冇口氣❓基本上貓狗嘴巴有任何嘅臭味都係唔正常嘅表現!🤦♀️點解貓狗嘅嘴巴會臭臭?又可以如何消滅口臭呢?小編整理咗3個小技巧,快啲嚟拯救主子嘅嘴巴喇!💁♀️
🔸口臭因什麼引起
毛孩有口臭嘅常見原因係牙齒上積聚細菌,簡稱牙菌斑。而牙菌斑會促進“難聞”細菌嘅生長,從而引起口臭及口腔疾病等問題。另外,還有一些嚴重的疾病也會引起“口臭”問題,如糖尿病、肝病、腎病等。
🔸預防口臭小習慣
👍 養成定時刷牙習慣
刷牙絕對係預防及改善口腔問題嘅重要一環! 只有物理性摩擦先可以清除牙菌斑、減少牙結石累積;而最佳嘅刷牙頻率係最少每天1次。
👍 使用潔牙產品輔助
如果一向都冇養成刷牙的嘅習慣,初期可以選擇潔齒骨、玩具或潔牙水等作為輔助。不過哩啲產品的嘅效果都有限,最有效嘅當然係刷牙喇!
👍 定期口腔檢查
建議家長們每年都帶貓狗洗一次牙,徹底清潔之後,日常保養就可以更輕鬆啦~
💁♀️毛孩口腔護理非常重要,希望毛孩們都能保持口腔健康、早日結束口臭噩夢,同寵主一起生活到老!
Edit:Raysin