Wiley 呢隻來自美國科羅拉多州嘅斑點狗因其鼻子上獨特嘅心形標記而成名。Wiley 有 11 隻兄弟姊妹，雖然心形鼻鼻令佢喺兄弟姊妹當中成為最亮眼嘅一隻，但原來呢個並唔係主人當時選擇佢嘅原因。「我選擇佢，因為我哋有好多共通點。飼養員講我知，Wiley 每日最鍾意瞓覺、食野同懶洋洋咁喺梳化睇風景，同我一模一樣！」
Lexi 透露，Wiley 其實都有佢頑皮嘅一面，佢經常都希望得到關注，因此，Lexi 幫 Wiley 開設 IG 帳戶，平日將佢所有頑皮、可愛、有趣一面拍低，萬萬估唔到帳戶一開已引黎過萬粉絲追蹤。現時， Wiley IG 已累積超過 20.8 粉絲。有粉絲更將佢嘅頭像用黎整成 meme 圖，甚至係聖誕節及情人節 e-card，以 Wiley 嘅心形鼻鼻向親朋摯愛表達愛。主人 Lexi 笑言：「我唔打算收返版權費。見到 Wiley 能夠為世界帶黎愛同溫暖，已經係一件令我最開心不過嘅事。」
相片來源：@hi.wiley
