美國德克薩斯州敖德薩警察局嘅警察接待咗一位意外嘅訪客 – 一隻彬彬有禮、笑口噬噬嘅小狗！佢行到警局接待處前面，輕輕咁將手仔放上前台，令接待處嘅警察知道佢係黎「報案」嘅。Rusty Martin 係接待狗狗 Chico 嘅警官之一，「Chico 似乎對佢自己唔見咗主人並唔感到太難過，仲笑容滿面。」
Chico 報案後，幸運係，佢嘅家人第二日就向警局報失狗隻喇。原來 Chico 住喺警局只係大約一英里嘅地方。主人接走 Chico 並連忙向照顧咗 Chico 並同佢喺警局網球場玩咗一整日嘅警察們道謝。
德克薩斯州敖德薩警察局將呢位意外嘅訪客嘅相片放上社交平台，網民紛紛搞笑留言：「Chico 似乎想黎見工多啲」、「可能 Chico 想報案，話主人唔畀雞脾佢食」、「Chico 求職應該要即請」。
資料來源：NY News
