芬蘭一名體育老師 Valtteri Mulkahainen,閒時鍾意喺佢屋企附近嘅一片森林影相。一日,佢遠處發現一隻母熊同三隻小熊。
Mulkahainen 唔敢行得太近怕驚動黑熊們,佢匿喺離佢哋 50 米遠嘅叢林間,靜靜咁觀察佢哋嘅一舉一動。突然,佢驚見三隻小熊好似小朋友咁快樂地圍圈跳舞。
Mulkahainen:「其實唔知佢哋係咪真係跳緊舞,我見到佢哋開始繞圈移動,就唔理三七廿一立即按下快門。返到屋企睇相,個畫面感覺非常似曾相識;打開童話故事書,發現相片影像同書入面 (小熊森林裡快樂地圍圈跳舞) 嘅畫面一模一樣,感覺好奇妙,所以我將相片放上社交平台同大家分享。」
資料來源:The Standard