近日,小編喺銅鑼灣發現咗個人寵開 party 靚場,當然要開心 share 畀大家啦!
呢度超級光猛,夠曬自然光同狗狗影靚相,場地環境一流!店內面積亦好寬敞,非常適合包場搞狗狗小型聚會㗎!另外,除咗人類有嘢飲有 cake 食之餘,場地都有提供小食畀狗狗食,所以狗狗唔洗驚有得睇、無得食㗎!
順帶一提,場地仲有 3 位友善嘅店長坐鎮,包括 2 隻柴柴同一隻松鼠狗仔,佢哋超級和藹可親㗎,拍嘢時全程笑口噬噬,仲不停撩小編玩添,所以就算無養狗狗但又想同同狗狗玩下嘅你,都可以約埋三五知己上去歎個 tea,等店長們陪下你坐陪下你食咁,歡渡一個愉快悠閒嘅下午㗎 !
地址:銅鑼灣駱克道 508 號 2 樓