一年容易又中秋,同家人朋友共聚嘅同時,當然唔可以忽略心愛嘅毛孩啦!慶祝中秋節,一邊食月餅一邊賞月是常識吧!但係你哋又有無諗過毛孩們都可以同你一齊享用月餅應下節?
近年坊間有唔少寵物月餅嘅選擇,大部分都標榜選材健康、天然無添加,無論係狗狗定係貓貓都可以放心食用㗎!以下就係小編為大家精選嘅 11 間寵物月餅 IG shop,無論選材、賣相、包裝都非常高質,想知好唔好味就要買嚟畀毛孩試下喇!
***
1. 粗茶淡飯喵 ( IG @chafanmeow)
賣點:材料天然, 皮薄餡靚, 月餅皮仲要係無麩物、無麵粉製作。蛋黃仲用咗原粒南瓜整成㗎, 貓貓狗狗未食相信都已經會流曬口水。
主要材料:餅皮 – 紫薯 / 黃薯;餡料 – 雞柳肉、地瓜;蛋黃 – 南瓜
售價: 31/8 前訂購有 9 折早鳥優惠 – 2 件裝 HK$79 (原價 HK$88) ;4 件裝 HK$133 (原價 HK$148)
***
2. coming.petfood (IG @comong.petfood)
賣點:冰皮月餅造型趣緻,除咗有可愛柴柴頭同 pat pat,仲有生果籃、燈籠同蠟燭;自家製冰皮,非用現成冰皮粉製作;採用無激素肉肉;無防腐劑、無人造色素、無添加劑。
主要材料:雞肉、蕃薯、自家製茅屋芝士、牛冧肉、薯仔、三文魚
售價:早鳥優惠 – 2 件裝 HK$88 及 HK$98 (原價 HK$98 及 HK$108) ;4 件裝 HK$168 (原價 HK$158)
***
3. Dolly’s Bakery (IG @dollys.hk)
賣點:月餅內餡除咗有藜麥及奇亞籽兩種 superfood,仲有紅菜頭及菠菜等健康食物喺入面,另外再添加埋含豐富 Omega-3 嘅椰子油,仲有用甘筍造嘅蛋黃,healthy 到極點!
主要材料:餅皮 – 薯仔 / 南瓜 / 紅菜頭 / 菠菜;餡料 – 紐西蘭鹿肉、 藜麥、奇亞籽、甘筍
售價:早鳥優惠 – 6 件裝 HK$198(原價:HK$228)
***
4. 狗零后 (IG @feedthed0g)
賣點:全天然純手工製作;使用人類食用級優質食材製作;即叫即製;真空包裝;密實外包裝;無防腐劑、添加劑、麵粉、泡打粉、牛油、奶、調味料、人造色素及香料。
主要材料:紅菜頭粉、薯仔、三文魚、蛋黃、燕麥、螺旋藻粉、鱷魚肉、蕃薯、雞肉、紫薯、鴨肉
售價:凡預訂《中秋應節健康零食套餐》SET A 預購價 HK$768 / SET B 預購價 HK$468,即送【肆式寵物月餅】一盒,月餅限量 30 套,送完即止。
註:《中秋應節健康零食套餐》超矜貴零食包括 – 風乾日本帶子BB、風乾紐西蘭原隻青口、風乾日本池魚仔及杞子鱷魚肉脆片等。小編中秋最 luxury 都係食楊桃咋,只可嘆做狗狗好過做人…
***
5. 桔桔零食 (IG @gutgut.snack)
賣點:由於小店收到唔少貓奴查詢有無貓月餅賣,佢哋決定今年加推一套畀貓貓享用嘅中秋月餅,貓主子終於都有得邊賞月邊食月餅喇!
主要材料 (貓月餅):紫薯、南瓜、三文魚、番薯、雞肉
售價:紫薯南瓜三文魚 HK$50 / 個;番薯南瓜雞肉 HK$45 / 個;一雞一魚 HK$88 / 套
主要材料 (狗月餅):南瓜、雞肉、花膠;紫薯、牛肉、瑤柱;紅菜頭、羊肉、杞子;菠菜、鹿肉、蟲草花
售價:HK$58 / 個;HK$98 / 2 個;HK$138 / 3 個;HK$178 / 4 個
***
6. Ali Oli Bakery & Café (IG @aliolibakery)
賣點:西貢寵物友善餐廳 AliOli Bakery & Café 喺今年中秋特意推出「主人 x 寵物月餅禮盒」,等毛孩都可以同主人一齊享受團圓嘅滋味!Café 仲聯同本地寵物水墨插畫師牧順風 @ohyoumademyday 設計人寵月餅嘅禮盒。6 款禮盒真係靚到無話可說,絕對係中秋送禮首選。小編都想有人買門嚟送畀我…
主要材料:螺旋藻、無激素雞肉 (雞茸)
售價:HK$58 / 盒
***
7. Pawesome Living (IG @pawesomeliving)
賣點:少女系 pastel 顏色嘅寵物月餅,相信連主人自己都鍾意;月餅選用全天然食材,全無防腐劑同人造加工物,更重要係,寵物月餅所選用嘅材料全部都好健康㗎,食多一兩嚿都唔怕!
主要材料:藍莓、芝士;雞肉、南瓜;三文魚、薯仔;兔肉、紫薯
售價:早鳥優惠 – 4 件裝 HK$188 (截單日期:9 月 5 日;額滿即止)
***
8. Pets Wonderland (IG @pets_wonderland_onlineshop)
賣點: 100% 全人手製作;採用天然及人類食材;無防腐劑、化學劑及添加劑
主要材料:無激素雞肉、三文魚、南瓜皮、芝士、鴨肉、紫薯皮;鴕鳥肉紫薯皮、泰國鱷魚肉、南瓜皮
售價:早鳥優惠 – 2 件裝 HK$90 (原價:HK$110) ;4 件裝 HK$188 (原價:HK$235)
***
9. Princess Paradise (IG @princess_paradise_99)
賣點:小店月餅出名真材實料啖啖肉!Princess 店長今年專登幫大家爭取喺月餅入面落多啲蟲草同埋茅屋芝士!蟲草有助狗狗氣管健康,所以店長決定要開心 share 畀大家。
主要材料:大量 CS-4 蟲草及茅屋芝士、薯蓉、番薯;法國火雞餡、南瓜餅皮;紐西蘭羊肉餡、紫薯餅皮;澳洲袋鼠肉餡、菠菜餅皮;南非鴕鳥肉餡、紅蘿白餅皮;紐西蘭鱈魚餡、紅菜頭餅皮
售價:早鳥優惠 – 1 件裝 (HK$55) ;2 件裝 (HK$100) ;5 件裝 (HK$40)
***
10. Woofy Bark-ery (IG @woofybarkery)
賣點:買月餅可以做善事,是次月餅收益嘅 10% 將會捐去唔同嘅保護動物機構㗎!
主要材料:全燕麥粉、南瓜鴨肉、西蘭花牛肉、紫薯三文魚、紅菜頭雞肉
售價:早鳥優惠 – 4 件裝 HK$143 (85 折至 8 月 31 日)
***
11. 99 Cake (@99.cake)
賣點:一盒 4 件嘅懷舊中秋套裝,包括得意迷你砵仔糕、月餅、兔仔燈籠同迷你公雞碗,淨係睇賣相已經無得輸!
主要材料:花生醬、芝麻、椰絲、風乾鱷魚肉
售價:4 件裝 HK$238 (附視覺系全透明手挽禮盒)