唔少寵主都會請犬隻訓練師去幫自己嘅毛孩改善行為問題🐶今次我哋邀請到 MH PET SERVICE HK LTD (FB: MHdogtraining犬隻訓練；IG: ＠mhdogtraining）嘅犬隻訓練顧問文凱 Sir 同我哋分享犬隻訓練嘅知識。原來除咗上門教學，亦都可以安排狗狗入學，即係類似返學咁樣，等訓練師幫狗狗做練習📝學習同改善各種問題。
寵主做「功課」先有用
文凱 Sir 建議如果寵主想請訓練師幫自己狗狗做訓練的話，當狗狗 3 至 4 個月大完成咗疫苗接種之後就可以開始，年齡越細，吸收知識嘅能力通常會越快越穩定，不過當然都要視乎狗狗嘅情況而定。文凱 Sir 亦指出，犬隻訓練除咗係要同狗狗做練習，更重要嘅係要教寵主點訓練狗狗，因為平時寵主喺屋企都要同狗狗做「功課」，先至最有效！💪🏻
立即去片睇下文凱 Sir 嘅分享同講解！下星期五仲會有實踐篇，即場指導主人 Miranda 同狗狗小新點樣改善問題，記得 Like 同 Follow 定我哋嘅 Facebook 及 Instagram 喇❤️
