【另類治療新方法 話你知咩係動物音叉療程】
近年寵物界興起另類療法,除咗傳統嘅西醫之外,亦有中醫、針灸甚至其他自然療法例如寵物音叉治療,以往對象一般都係大人,到底寵物又適唔適合呢?
音叉治療顧名思義就係透過敲擊音叉時發出嘅共振頻率調節身體內在頻率,引發自癒能力。大家都知道萬物有佢哋唔同嘅頻率,彼此會互相影響,相同頻率會產生共鳴、共振。 音叉治療發出嘅共振頻率,跟身體唔同部位、細胞產生共鳴,剔走負能量,調整內在失衝嘅情況,有舒緩壓力、减輕痛症嘅作用。由於依種唔係入侵性治療,唔需要擔心會有副作用,絕對適合小朋友、寵物,事實上近年亦多咗好多主人選擇依種療法。
💡寵物音叉療法可以幫到咩問題?
👉舒緩寵物老化問題
👉減輕痛症
👉抗老化
👉肌肉繃緊
👉善血液循環,減少患病機會
👉情緒放鬆
當然如果問題嚴重,都會建議主人去獸醫檢查,評估返寵物嘅身體狀況係咪適合做自然療法,又或者兩者雙管齊下加速復原。
資料及圖片來源: Pet Pet Sound