仲有唔夠一星期就農曆新年喇,一眾貓狗奴你哋又準備好利是封未呢?仲未?小編都知大家貴人事忙㗎喇!好彩我早有準備!內文 6 款係小編精心搜羅畀大家㗎,要買趁手喇!要知道利是封雖然周街都有得賣,但啱心水嘅就唔係度度有,而且小編揀選嘅,唔少都可以一舉兩得,順便做埋善事添㗎,係咪正先?
利是嘅嘢,初一派到初七㗎嘛,所以依家買多幾個款都唔遲喎!
「支持領養」就要買喇 – 小小肥「肉肉金」利是封
今年小小肥星球首次發行- 「肉肉金」利是封! 顧名思義即是,入面嘅金錢係用嚟比毛孩買肉肉用嘅錢😋!另外仲有 3 款小小肥主角做利是封面添! 肉肉金每套售價為港幣 HK$68,另亦可單買 5 個裝每包 HK$20。部分收益將捐款幫助動物機構,每售出一套,小小肥就會捐出 HK$10。
按此購買:www.instagram.com/alittlefatplanet_product
繼續為毛孩發聲 – b2y.label 燙金利是封
B2Y 除咗有燙金「恭喜恭喜」及「愛毛孩一世平安快樂」利是封 (HK$40 / 20 個 1 包) 可供選購之外,仲有菱形燙金揮春添,都好靚㗎!部分收益捐 1380 家長,支持繼續為毛孩發聲。
有興趣可以喺 https://cutt.ly/vkjyA5q 留言+1 ,B2Y 會 inbox 購買方法畀你㗎!
邊派利是邊做善事 – HKDR「狗壯力健」利是封
農曆新年最講意頭,有咩比一邊派利是、一邊做善事更好?買呢款救狗之家慈善利是封(HK$70 / 20 個) 仲可以將福氣分享畀佢哋待領養嘅狗狗㗎!
按此購買:https://hongkongdogrescue.com/merchandise/cny/ ;或到大埔或鴨脷洲領養中心購買現貨。
貓奴必 buy – 文地貓新年揮春
一套 3 張 HK$60 一套、HK$100 兩套 (包本地平郵)
扣除印刷成本後,部份捐款「香港群貓會」
文青之選 – 台灣「愚室實驗所」利是封及揮春
來自 Pinkoi 嘅「愚室實驗所」利是封 (HK$49.9 / 3 個) 及揮春 (HK$57 / 2 款),由台灣設計師所創,以一位名叫介太嘅男孩及其寵物金魚嘟子、鄰居浪子貓五郎為主要角色。設計大多以簡約風格配上可愛風嘅角色圖案為主,文青系嘅朋友一定鍾意。
按此購買:https://hk.pinkoi.com/store/808-design-studio
紙質極佳無得輸 – 「吉普星球」可愛風貓貓利是封
唔好話小編成日介紹人哋台灣野呀,你睇下人哋個利是封 (HK$60.5 / 6 個) 啲紙質?係用高質嘅日本進口美術紙 – 薪傳瑪芬美術紙做㗎, 有手工紙的草木纖維紋理同厚實嘅質感;而圖案係手工刷色,觸摸時會有立體油墨嘅質感同絹網印刷嘅紋路。收到一個紙質咁好嘅利是封,姑勿論入面封幾多,相信收利是嗰位都一定讚你有 taste 先啦!