第16集《Pet 奴騷》嘅嘉賓係樂隊 Nowhere Boys 主音 Van 同佢太太 Wendy,仲有佢哋兩位好得意嘅女女,狗狗 Poochie & MooMoo 🐶 雖然而家兩姊妹可以一齊玩一齊瞓,但原來當妹妹剛剛加入時,家姐 Poochie 成日都會鬧 MooMoo,而妹妹又成日會整家姐,所以都經歷咗一段時間嘅磨合。
Poochie & MooMoo 兩姊妹性格各異,Poochie 比較膽小,每事都要管,當屋企有少少嘢唔同咗就會吠表示不滿。而 MooMoo 就相對較大膽,例如第一次帶佢去游水就已經成功,同埋佢有個特點就係一焦急就會「講嘢」,想知係點就要睇訪問影片喇🤣
Van 同 Wendy 表示平常返到屋企或者有朋友嚟嘅時候,都必定會摸咗 Poochie 先,令佢知道自己係「阿姐」,然後先至會摸 MooMoo,咁就冇出現呷醋爭寵嘅問題。養咗兩隻狗狗之後兩人嘅生活模式轉變咗,盡可能都想同佢哋一齊,出街都會先考慮咩地方啱兩隻狗狗。兩隻狗狗固然係 Van 同 Wendy 嘅寶貝,但一家四口中邊個地位最高呢?
立即睇《Pet 奴騷》第16集 Part 1:
鳴謝場地提供: @mellowstudio.hk