疫情下大家無得返「鄉下」，唯有買下 Donki、食下 Omakase 頂癮！除此之外，有養狗嘅你又有無考慮親手為狗狗造和服，再喺香港周圍揾下啲有日本元素嘅地方打下卡，嚟一趟「偽日本旅行」(https://cutt.ly/sWDTJst)，實行打咗卡當去咗呢？
今集，就等小編帶你去到位於新蒲崗嘅 Designerooms，率先學下點樣可以親手為狗狗造和服啦！喺工作坊入面，資深車縫師傅英姐首先教咗小編一啲基本嘅衣車操作及簡單嘅縫紉技巧，另外仲有量度毛孩嘅方法、紙樣製作及裁剪等。
要學識以上所有技巧仲要游刃有餘，當然唔係 1 堂就學得識啦！一般學員要上 6 堂，每堂 3 小時，合共 18 小時先至可以造到一件款式較複雜嘅和服㗎。而「0」縫紉經驗、手殘嘅小編喺英姐帶領同細心指導之下，只係上咗 1 日速成班啫，就造到一件簡單嘅狗狗和服喇，所以未車過衫嘅你都絕對唔冼驚學唔識㗎！
Designerooms 即將會喺 9 月底開班，如果你都想試下親手為狗狗造和服，可以 inbox 佢哋報名㗎！
Designerooms
地址：新蒲崗五芳街 19-21 號嘉榮工廠大廈 9 樓 A2 室
IG: @designeroomshk
