日本吉卜力工作室 (Studio Ghibli) 嘅宮崎駿動畫電影，即使推出咁多年依舊擁有大批忠粉。前陣子，專門販售官方周邊商品嘅 Donguri Republic 就將最受歡迎宮崎駿動畫之一嘅《魔女宅急便》角色做成各種可愛飾物，包括《魔女宅急便》黑貓 Jiji 嘅頸鍊、戒指、彩繪玻璃風格耳環等 (飾物售價：約 HK$120 – HK$135)，令一眾吉卜力迷大為心動，引來一輪瘋狂搶購熱潮。
日前，Donguri Republic 更加推《魔女宅急便》黑貓 Jiji 紅鞋戒指座 (售價：約 HK$264)，可愛指數爆燈！戒指座係由《魔女宅急便》女主角 Kiki 到達 Koriko 見到嘅一雙華麗紅鞋作藍本創作而成嘅，加上黑貓 Jiji 嘅加持，戒指座更加令人愛不釋手。
宮崎駿迷及一眾貓奴，準備好張信用卡未呀？
網購傳送門：www.donguri-sora.com
資料來源：grapee.jp
