美國德克薩斯州的一隻家犬為拯救家人性命,英勇咬持刀行劫犯,被視為英雄。
53 歲嘅行劫犯 Thong Quoc Pham 企圖從後門進入了 Newsom 一家屋企。八歲嘅Marley 立即跑去後門,開始咆哮同吠叫。由於天黑,Newsom一家未知後門發生咩事,只係聽到Marley嘅吠叫聲,佢哋隨即就走出去睇下到底發生咩事。
當佢哋打開大廳燈時,見到行劫犯 Pham 拎住把刀企喺度。Pham 慌忙揮刀刺傷咗屋主 Taylor Newsom 嘅手臂並砍傷咗 Marley。Marley 然後憤力地咬行劫犯,並成功將佢擊退並趕出門口。由於 Marley 迅速嘅突襲行動,Newsom 家 6 歲同 4 歲嘅小朋友都安然無恙。Newsom 夫婦對傳媒表示:「Marley 係我地嘅英雄。如果唔係佢,行劫犯好有可能會傷害我地嘅小朋友。如果 Marley 唔喺度,個故事發展就會完全唔同。」
警方最終喺 Newsom 屋企附近嘅小溪發現行劫犯 Pham 並將佢逮捕。佢被指控虐待動物及使用致命武器行劫兩宗罪。而屋主 Taylor 同狗狗 Marley 因傷現正接受治療,預計會完全康復。
資料來源:KDFM