日前，美國一位 IG 超過 10 萬粉絲嘅女獵人 Larysa Switlyk，貼出自己成功獵殺一條 4.5 米長嘅 60 歲巨型鱷魚王照片，帖文仲寫：「將會成為我嘅新銀包」。帖文一出，旋即收到大量負評，唔少網民留言：「無人性」、「冷血」及「噁心」。
以曾獵殺過 116 種不同動物為傲嘅 Larysa 當然唔認同網民嘅留言，佢話鱷魚唔單止危害人類安全，將佢哋獵殺係合法合理。有動物組織就指出，Larysa 獵殺當地鱷魚王，只會間接令其他雄性鱷魚得以坐大，並會對當地人造成更大危機。唔少網民直言 Larysa 靠槍靠武器殺死手無寸鐵嘅動物，談唔上「勇敢」，除非佢赤手空拳同動物搏鬥！
資料來源：Mirror
