聖誕節當日,美國喬治亞州卡羅爾縣一警員巡邏期間發現一隻被棄置街角垃圾桶嘅小狗。
警員表示:「喺街角垃圾桶入面發現小狗時,佢好瘦弱,瘦到見骨,似乎係營養不良。當晚天氣好凍,小狗身體亦呈凍疆狀。不過,好彩佢仲有微弱嘅呼吸,我立即用毛巾包裹住佢,並將佢帶去附近嘅亞特蘭大西部獸醫醫院。」
幸好,經診所醫護人員悉心料理幾日之後,小狗奇蹟地安復。醫護 Jenkins 指:「小狗幾乎被完全凍疆,獸醫喺幫佢治療期間,曾有三次認為佢已經撐唔到落去。但係我哋見佢一直奮鬥落去,我們都唔敢怠慢。依家佢已經八九成安復,我哋都好開心!因為佢奇蹟生還,所以我哋亦幫佢改咗個名叫 Miracle。」
Miracle 現居住喺發現佢嘅警員屋企,而呢位警員亦已申請領養 Miracle。呢位新主人仲幫佢開個名為 “Christmas Miracle” 嘅 Facebook 群組,除咗喺上面 update Miracle 嘅康復狀況之外,亦希望借助社交媒體嘅力量搵到嗰位將 Miracle 棄置垃圾桶嘅狠心主人。佢喺群組出咗個懸紅 5,000 美金嘅貼文,希望盡快揾到線索,緝拿兇徒歸案。
資料來源:wsbtv