美國南卡羅來納州一隻狗狗 Rajah 被煙花響聲嚇驚咗之後離家出走。主人 Mary 透露：「走失咗之後，我哋開車周圍去揾佢，仲準備打電話畀所有 animal shelter 睇下會唔會有佢嘅下落。」
過咗 7 個鐘之後，及至凌晨 3 點，突然門鐘響，Mary 喺 CCTV 見到 Rajah 不停跳起身用鼻仔㩒門鐘，仲要將面貼喺度門嘅防盜鏡度期待主人開門。
Mary 非常開心 Rajah 識自己返屋企兼㩒門鐘，而 Rajah 似乎喺街玩得好 happy，「佢返到黎時成身樹枝、泥同狗狗便便，所以凌晨我哋都要幫佢沖涼。但最緊要係佢終於返番黎！」
資料及相片來源：People.com
