月前，內地一名地盤工人經常見到一隻可憐嘅流浪狗喺工地附近徘徊，於是安置咗佢喺自己所屬嘅工地臨時宿舍入面，每日餵佢、照顧佢同帶佢散步。儘管只係相處咗短短 2 個月嘅時間，但狗狗同恩人早已建立咗深厚嘅感情。由於工作性質嘅關係，工人做完呢個工程之後，就要前往下一個城市開始做新嘅工程，因此無辦法一直帶狗狗喺身邊。
喺離開之前，工人喺附近嘅居民中，幫狗狗揾到一戶肯收留佢嘅人家。工人將狗狗交托畀呢戶人家照顧，幫狗狗安頓好一切，佢先安心離開。
及至離開嗰日，工人拖住行李離開宿舍，上車之後突然落大雨，呢個時候狗狗不顧大雨，一直趴喺車窗外面呼叫恩人，恩人叫狗狗快啲返「屋企」，狗狗都無動於衷。最後喺巴士開動嘅時候，狗狗先至肯走開，但佢仍然站立喺路邊唔肯離開，直至巴士遠去…
工人堂堂男子漢，眼前嘅畫面令佢不禁留下男兒淚。逾十萬網民留言：「狗狗非常懂性」、「狗狗都知道主人即將要離開自己」、「知恩圖報的狗狗」、「肯定要同恩人告別」、「感謝恩人救命及養育之恩」。
資料來源：88masnews
