日本知名寵物保險公司Anicom,自2008年來每年都會發佈一份《狗狗人氣排行榜》📊,希望可以為愛狗人士作一個參考,而今年已經係連續出版14年啦~🙌 我哋一齊嚟睇下有邊啲狗狗入圍:首先恭喜 玩具貴賓(Toy Poodle)蟬聯13年冠軍🎉,成為日本最受歡迎犬種👏;第二名係又勇敢又膽小嘅 芝娃娃(Chihuahua)、而 唐狗(10kg以下) 則攞下排行榜嘅第三名。 即刻去睇下啦!
而根據調查結果可以睇到,同上年比前十名嘅變化唔大。可能因為現代人居住環境問題🤔,所以容易喺室內飼養嘅小型犬會比較受歡迎。而第四名嘅柴犬🐶雖然係中型犬,但由於柴犬係日本本土嘅品種,加上聰明又有個性嘅特色,佢哋依然都好受歡迎㗎! 你家狗狗有冇上榜呢?👀
Edit:Raysin