近日，美國佛羅里達洲嘅一個退休社區中心 Mathison Retirement Community 為中心長者引入社人工智能寵物，以幫助患有老人癡呆症嘅患者重拾人生樂趣。
人工智能寵物由該區嘅一位居民 Joe Nelson 捐贈嘅，佢哋希望社區中心嘅退休長者們每朝起身都能夠揾到生活嘅寄託，令佢哋每一日都感受到愛同溫暖。
社區中心一名退休長者 Iris Reedar 表示：「我鍾意抱住佢 (人工智能狗) ，聽佢發出聲響。當我同佢傾計，佢定睛望住我，好似好用心聽緊我講嘢咁，仲會對我講嘅嘢有反應，所以我每日都好鍾意同佢傾計。」
人工智能寵物捐贈者 Nelson 補充：「機器寵物無論是貓還是狗，喺疫情下社區中心禁閉期間，有助退休長者穩定情緒、令佢哋保持心理健康，而醫生亦指出，機器寵物對延緩老年人身體衰退都明顯有良好嘅效果。希望喺不久將來可以將機器人寵物傳播到更多嘅退休社區，幫到更多長者。」
資料來源：wjhg.com
