日本民眾正為接種新冠疫苗做準備，然而，日本醫學雜誌一項研究顯示，日本民眾對疫苗嘅信任度極低。NHK 上個月進行嘅一項民調亦顯示，只有 50% 市民希對注射疫苗持開放態度。
有見及此，紐約市西奈山醫院 (Mount Sinai Hospital) 嘅醫生山田裕二 (Yuji Yamada) 聯同 9 位內科醫生共同創建出可愛嘅「聊天機器狗」。呢隻「聊天機器狗」係一隻柴犬 (Shiba-inu)，被名為 Corowa-kun，日語即解作「冠狀病毒」。佢著住白色嘅醫生袍，並會喺以佢命名嘅應用程式上自動回答民眾諮詢有關新冠疫苗嘅問題。
日本行政改革大臣河野太郎 (Taro Kono) 日前喺 Twitter 發佈咗一個視頻，喺視頻上佢積極推廣「聊天機器狗」Corowa-kun，希望民眾可以透過 Corowa-kun 應用程式全面並深入了解新冠疫苗嘅資訊，以釋除對注射疫苗嘅各種疑慮。
資料來源：路透社
