呢間位於日本神奈川縣嘅旅館叫「まいきゃっと」，英文係 my cat 嘅意思。旅館唔單止歡迎住客帶貓咪一齊入住，佢哋館內仲有唔少坐館駐場嘅貓貓，住客可以揀選貓「陪瞓」㗎！
店主喺客人挑選咗貓貓之後，會睇清楚住客同貓貓係咪情投意合先會批准貓貓跟住客入房㗎。而住客就要肩起照顧貓貓嘅責任，包括鏟屎、梳毛、陪玩等，一樣都不能少，而貓貓嘅侍寢時間亦有限 – 由住客 check in 當日嘅下午 5 點到第二朝早 9 點。
如果係未養過貓嘅新手，唔知道該點樣同貓貓相處嘅話，必須先去到旅館附設嘅貓咪咖啡廳，由專人教授新手如何同貓貓相處及簡單照顧佢哋嘅小技巧，以確保入住時人貓之間能夠相處融洽。
My Cat Yugawara
地址：神奈川県足柄下郡湯河原町福浦 244-1
資料及相片來源：My Cat Yugawara
