美國總統當選人拜登(Joe Biden)一向為愛狗之人。2020 年 1 月,佢將會帶住自己兩隻德國牧羊犬 Champ 及 Major 入主白宮。
接受美國媒體訪問時,拜登太太 Jill Biden 暗示,唔介意養多一隻貓:「我好想養一隻貓」,「我鍾意喺屋企畀小動物包圍嘅感覺」。目前外界仍未知拜登同太太會飼養咩品種嘅貓貓,但肯定佢哋有養貓嘅計劃。想知美國「第一貓」廬山真面目,大家就要拭目以待喇!
講到白宮「第一貓」,就要追索到 George W. Bush 擔任總統嘅時期 (2001-2009) ,佢有一隻名叫 India 嘅黑色短毛貓。Bush 在任期間,India 一直都喺白宮居住。
再對上,就已經係咸豐年前,美國第 16 任總統 Abraham Lincoln 嘅兩隻愛貓 Tabby 及 Dixie 喇!據歷史記載,佢愛貓如命,寧願無視妻子嘅反對,都要喺餐桌上面餵愛貓。Lincoln 甚至曾公開表示,愛貓 Dixie 比佢所有内閣成員聰明。
資料來源:NewYorker ; nytimes