喙對鳥類黎講黎講就好似雙手對人一樣咁重要。當鳥嘅喙受損時，就會影響到佢地進食，從而危及生命。近日，巴西一隻喙受損嘅鸚鵡，獲巴西非政府組織 (NGO) Renascer ACN 緊急援助，為佢重建假喙 ，令佢獲得第二次健康快樂生活嘅機會。
呢隻鮮綠色嘅鸚鵡被發現時情況非常糟糕，佢喙嘅受損程度相當嚴重。被發現後，Renascer ACN 就同專門研究動物骨科嘅獸醫 Maria Ângela Panelli Marchió 合作，打造咗一種手工製作嘅塑料樹脂假肢。喺鸚鵡嘅斷喙上裝小上螺絲後，聚甲基丙烯酸甲酯材料形成咗鸚鵡喙嘅自然形狀，然後固定融合到金屬上。
呢隻鸚鵡依家已經康復並能夠再次過正常嘅生活。但係由於佢裝上嘅係假喙，始終無真喙咁堅硬，好容易會因喺戶外不停啄木覓食而有斷裂嘅風險，所以唔能夠再返番森林野外生活。佢暫時由 Renascer ACN 工作人員暫托照顧，希望佢可以盡快等到領養佢嘅有心人啦。
資料來源：renasceracn
