美國加州有一隻名叫 Cora Rose 嘅貴婦狗因為車禍而失去咗兩隻前腳。雖然唔少救援中心人員都認為狗狗難以繼續生存，但係佢唔單止喺短時間內學識好似人咁用兩腳站立，仲能夠好似兔仔咁以跳躍嚟行動。
Cora Rose 嘅兩隻前腳因為感染而先後被截肢。獸醫對於佢嘅存活抱持懷疑態度，甚至考慮畀佢安樂死。然而，該救援中心的創辦人 Zach Skow 同妻子希望能幫助 Cora Rose 過正常生活。佢哋不但悉心照顧 Cora Rose，仲為佢訂製咗一張寵物輪椅供日常行動使用。
隨住 Cora Rose 日漸康復，佢嘅後腳越來越有力，最終能夠以雙腳站立並且以跳躍方式行動。雖然有時喺跳躍過程中佢會不停跌倒，但係佢每次都會自己企番起身，完全唔洗人幫。
Zach 由衷佩服 Cora Rose：「儘管 Cora Rose 有身體上嘅殘缺同需要忍受難以行動自如嘅痛苦，但係佢仍然堅強咁生存；而佢樂觀同不屈嘅精神令我哋人類明白 – 任何人生嘅難關，只要勇敢面對，一樣可以克服！」
相片來源：ig @thecorarose
