日前,俄羅斯泳手 Yvgeny Rylow 喺東奧贏得 100 米背泳比賽金牌。如果大家有睇各項東奧游水比賽嘅話,都唔難認得 Rylow,因為佢係唯一一個每次出場都戴上貓貓造型口罩嘅選手。然而,贏得金牌上頒獎台嘅時候,佢就換番個普通白色口罩。
被各地媒體問及,點解唔戴番個貓貓造型口罩領獎時,佢好坦率咁回應:「好想喊呀!我自己本身好鍾意貓,而口罩亦係女朋友送畀我嘅,所以我原本都諗住戴上貓口罩上台領獎同影相。但係頒獎禮前,大會阻止我戴貓口罩上台領獎。雖然有啲失望,但明白入鄉要隨俗,知道日本係一個非常著重禮節嘅國家,所以我諗住同大會爭論。」
Rylow 係一位正宗貓奴,佢屋企養咗三隻貓,亦經常喺社交平台發布同佢哋嘅合照,非常有愛!換口罩事件發生後,媒體亦查詢奧委會有關口罩設計問題,奧委會官方表示,理論上並無有關於運動員口罩設計嘅官方規定,然而,世界各地風俗均有不同,希望各國運動員能夠嘗試喺東奧期間盡量融入當地文化,以示對主辦國嘅尊敬。
相片來源:ig @evgesh.rylov2396