疫情期間周圍都去唔到,條街又凍冰冰,最好就係買定一大堆零食,攤喺屋企梳化度抱住毛孩煲 Netflix 㗎喇!有見及此,小編砰砰聲幫你揀咗 5 套啱你睇又啱毛孩睇嘅 Netflix 紀錄片出嚟,聖誕假期嗰幾日少啲出街,齊心抗疫啦!喺屋企攬住毛孩、食住零食、睇住 Netflix 一齊暖笠笠、舒舒服服咁過聖誕,唔係更 good 更正咩?
1. The Champions
必睇指數 (5 分滿分):3.9 分
內容簡介:Michael Vicks 在家私建嘅鬥狗場被政府查封,67 隻鬥狗面臨因「太過危險」而將被處死嘅命運。收容機構同大量志願者嘗試展開救援行動,並且幫助被救嘅狗尋找領養家庭。
2. A Dog’s Life
必睇指數 (5 分滿分) :4 分
內容簡介:睇過呢部紀錄片,你將會更了解狗狗嘅怪異行為、佢哋嘅歷史淵源,以及關於狗狗嘅真實神話。狼究竟係咪狗狗嘅祖先?狗狗係咪只係見到黑白色?狗狗其實又有咩潛藏嘅本能?好好奇想知?咁就要快啲睇下呢部紀錄片喇!
3. Dog by Dog
必睇指數 (5 分滿分) :4.5 分
內容簡介:呢部紀錄片除咗真實展示繁殖場如何虐待動物同無視動物福利法之外,仲會講述繁殖場嘅歷史,及帶出繁殖者選擇繼續經營繁殖場嘅內部觀點。此外,紀錄片亦會揭示農業界、美國政治同繁殖場之間嘅微妙關係,睇完之後你一定會好震驚㗎!
4. Pet Fooled
必睇指數 (5 分滿分) :4.8 分
內容簡介:商業寵物食品行業其實比你想像中神秘得多㗎!兩位著名獸醫喺紀錄片入面帶出好多主人一般都唔會知,但又一直存在嘅商業寵物食品問題。睇過呢部紀錄片之後,除咗會令你更加了解商業寵物食品行業嘅內部運作之外,仲會令你以後識得更小心幫狗狗揀選寵物食品,從而令佢哋可以食得更健康。
5. Dogs
必睇指數 (5 分滿分) :5 分
內容簡介:呢部紀錄片講述來自敘利亞、日本、哥斯達黎加、意大利同美國嘅六隻狗狗同佢哋主人之間嘅故事。雖然每個故事都係獨立嘅,但係主軸都係圍繞住同一個主題 – 人與狗之間無條件嘅愛,係一部令人感動同充滿愛嘅紀錄片,啱曬聖誕節正日睇呀!
編輯推介:狗狗「超正」零食 煲 Netflix 良伴
來自日本嘅超高人氣寵物零食品牌 WanWan,有超過 30 種不同款式以供寵物主人選擇。除咗包裝夠 kawaii、味道深受狗狗所喜愛、價錢夠親民之外,HKTV mall 仲要有得賣呀!仲唔嗱嗱淋網購定十包八包,等主子聖誕節唔洗淨係望住你食咁慘慘豬啦!