上週,美國佛羅里達州一 35 歲情緒失控女主人 Allison Murphy 喺 Daytona Beach 汽車旅館嘅陽台將狗狗掟落街。好好彩,狗狗最終跌咗喺一位途人腳上。狗狗受 X 光檢查時,被發現大腿入面有支縫紉針,但身體就無其他問題。事發後,女事主 Murphy 被警方降服,並以涉嫌虐待動物將佢拘捕。
警長 Volusia 報告:「被掟落街嘅狗狗叫 Miracle,係一隻德國牧羊犬,佢暫時狀況良好。佢依家暫時會喺一個寄養家庭養傷,希望佢身體可以盡快康復。寄養家庭已經表示有興趣讓 Miracle 成為佢哋家庭嘅一分子;如果法院批准狗狗受 Animal Services 監護,寄養家庭將可以申請領養 Miracle。」
佛羅里達州法院會喺本月底舉行聽證會,將裁定 Miracle 嘅監護權會移交 Animal Services,還是歸其主人所有。
資料來源:wfla.com