第 23 集《Pet 奴騷》，我哋請到歌手 (前 #Hotcha 成員) Regen C.，同佢嘅主子駱駝嚟做專訪！
人哋成日話物似主人形，Regen 身型咁纖瘦，以為佢嘅愛貓都會係镽镽瘦瘦咁嘅，點知原來係一隻大肥貓嚟㗎！大肥貓叫駱駝，係 3 歲嘅男仔，Regen 話佢性格比較獨立同暴燥，唔鍾意黐住人同嗲人，仲唔多鍾意畀人摸摸同抱抱添，可以話係一名獨行獨斷嘅浪子呀！
訪問期間，Regen 喊咁口呻：平日佢會嫌棄我㗎！勁傷心…不過，駱駝似乎今日好識做，喺 Smart Pet Pet 攝製隊面前破天荒畀 Regen 攬攬抱抱，搞到 Regen 即刻笑番曬！駱駝 (設計對白) ：喺鏡頭面前就畀番幾分薄面妳啦！
想睇下駱駝有幾畀面？立即去片啦！
特別鳴謝：拍攝場地 KiraKiraStudio
