第 19 集《Pet 奴騷》嘅嘉賓係 ViuTV《全民造星III》亞軍得主陳葦璇，仲有佢嘅可愛比熊囝囝小新。葦璇屋企其實仲有另一成員，係一隻 1 歲嘅唐貓，叫粒子。雖然好多人都認為貓狗係唔可以和諧共處，而貓貓一般都係會「欺凌」狗狗，但小新同粒子就剛好相反，佢哋唔單止能夠和平相處，去街街嘅時候，粒子仲會全程跟實哥哥；當哥哥走開咗一陣，粒子就會顯得好不安、好無安全感，可見佢哋親密嘅程度真係非比尋常。
葦璇仲爆咗小新同粒子一齊做嘅曳豬嘢 ：「一晚，聽到客廳有聲，出去就見到成地紫菜，小新食到成口都係，而粒子就坐喺梳化度望住佢，好似睇水咁！我估計係粒子將包紫菜推落地下畀小新食嘅！」可見小新同粒子真係合作無間呀！
小新嘅曳豬嘢又點止咁少吖，想知佢仲做過啲咩「衰嘢」，立即去片啦～
鳴謝場地提供：Acoustic Party Room
