你屋企嘅寵物係咩星座嫁呢？到底身為奴才嘅你同主子夾唔夾？等神婆辦公室嘅神婆 Celia 即刻為大家拆解啦！大家又睇下講得啱唔啱吖！
水瓶座寵物 ( 1 月 20 日至 2 月 18 日)
性格：古靈精怪、頑皮、忽冷忽熱、愛獨處
曳曳位：自我，以自我為優先，無視主人／其他寵物相處；心情忽冷忽熱，買左佢喜歡嘅零食／食物，可能會突然無興趣，會畀佢激死
最夾主人星座：獅子座、雙子座、天秤座
最唔夾主人星座：巨蟹座、金牛座、天蠍座
雙魚座寵物 ( 2 月 19 日至 3 月 20 日)
性格：懞懞地、性情善良、遷就主人／動物、親善大使
曳曳位：心情陰晴不定、情緒化，需要主人 100％ 呵護、疼錫、愛護
最夾主人星座：處女座、巨蟹座、天蠍座
最唔夾主人星座：獅子座、人馬座、雙子座
白羊座寵物 ( 3 月 21 日至 4 月 19 日)
性格：心急、衝動、活力十足、貪玩無時停、愛競爭
曳曳位：無視紀律、自我、性格巨星、頑皮
最夾主人星座：天秤座、獅子座、人馬座
最唔夾主人星座：處女座、巨蟹座、山羊座
例子：Celia 本人嘅英短貓「藍波」
由細到大都好為食，每次開餐食罐罐都要爭，其實另一隻貓根本唔會同佢爭，只係佢自己好怕人地搶罐罐，「競爭」心態好重。另外，做左啲「曳」事，就算被人鬥都會扮無事，匿埋一陣就會施施然行出嚟，非常「賴皮」，轉頭就唔記得咗畀人鬧，又再喵喵叫要食罐罐。此外，每次一肚餓就會叫到拆天，喵到你煩為止，非常心急，話要就要。
金牛座寵物 ( 4 月21 日至 5 月 20 日)
性格：性情穩定、較慢熱、內斂、重安全感
曳曳位：固執、硬頸、為食 (美食至上)
最夾主人星座：天蠍座、山羊座、處女座
最唔夾主人星座：天秤座、獅子座、水瓶座
例子：喜歡食同一款食物、喜歡訓同一個地方、喜歡去同一個位置尿尿等，因轉變易帶來不安，導致金牛寶寶不易改變。如果本身有好多壞習慣，就較難紏正，需花更多耐性和心思。
雙子座寵物 ( 5 月 21 日至 6 月 20 日)
性格：貪玩、古靈精怪，雙重性格、愛整蠱主人、聰明
曳曳位：一時一樣、心情變化無常、坐唔定
最夾主人星座：人馬座、天秤座、水瓶座
最唔夾主人星座：天蠍座、雙魚座、處女座
例子：小編嘅芝娃娃 Lulu 愛整潔，畀人望住即刻唔肯尿尿；另一隻狗狗尿過嘅地方，都唔肯尿尿，好有性格。
巨蟹座寵物 ( 6 月 21 日至 7 月 22 日)
性格：害羞、被動、唔願出街、愛痴家、文靜
曳曳位：心情起伏大、情緒化、要主人時刻陪伴
最夾主人星座：山羊座、雙魚座、天蠍座
最唔夾主人星座：人馬座、白羊座、天秤座
例子：見到陌生人會過度緊張，或者坐立不安，要適應較長時間。但好嗲、好善解人意、好窩心嘅。
獅子座寵物 ( 7 月 23 日至 8 月 22 日)
性格：大阿哥／大姐姐、霸氣、喜歡吸引人注目、寵物明星
曳曳位：喜歡獨佔主人、愛做明星、要主人／其他寵物遷就
最夾主人星座：水瓶座、人馬座、白羊座
最唔夾主人星座：山羊座、天蠍座、金牛座
例子：年中過身嘅尖東忌廉哥，就係一時無兩嘅貓明星，永遠淡淡定定，甚有獅子座風範。
處女座寵物 ( 8 月 23 日至 9 月 22 日)
性格：奄尖、要求高、偏食、文靜、機靈、觀察入微
曳曳位：怕生保，見到陌生人會驚害怕，難以接近；對任何事物要求都很高，例如挑食
最夾主人星座：雙魚座、山羊座、金牛座
最唔夾主人星座：水瓶座、人馬座、雙子座
例子：Celia 本人嘅貓貓墨屎，極度怕陌生人，永遠在戒備狀態，十分挑食，甚至乎有時肚餓都唔肯食野。
天秤座寵物 ( 9 月 23 日至 10 月 22 日)
性格：愛和平、公關大使、熱愛社交
曳曳位：太隨和，隨時可跟第二個主人；怕寂寞，極需要人類陪伴（主人以外都可）
最夾主人星座：白羊座、水瓶座、雙子座
最唔夾主人星座：雙魚座、山羊座、巨蟹座
天蠍座寵物 ( 10 月 23 日至 11 月 21 日)
性格：內向文靜、慢熱、不愛陌生人及陌生環境、只信任親近的人、愛獨處
曳曳位：其實無乜曳位，只係較固執，或者唔太易信任新接觸嘅人或動物，因為佢太慢熱
最夾主人星座：金牛座、雙魚座、天蠍座
最唔夾主人星座：白羊座、獅子座、水瓶座
人馬座寵物 ( 11 月 22 日至 12 月 21 日)
性格：冒險精神、亂咁跑坐唔定、傻呼呼、精力旺盛、求知欲強
曳曳位：太愛亂走（落街要捉緊）、搗蛋、求知慾太強乜都敢試（食朱古力、咬爛拖鞋、抓爛梳化）
最夾主人星座：雙子座、白羊座、獅子座
最唔夾主人星座：金牛座、雙魚座、處女座
例子：成日係屋企搗亂，無敵破壞王一定有人馬座嘅寵物份
山羊座寵物 ( 12 月 22 日至 1 月 19 日)
性格：沉實、冷靜、斯文、不愛亂叫、表現乖巧
曳曳位：太重安全感，唔願意試新事物，帶去陌生地方可能會驚（但表面仍保持冷靜）、孤僻、不愛合群
最夾主人星座：巨蟹座、金牛座、處女座
最唔夾主人星座：雙子座、天秤座、白羊座
資料提供：Celia @神婆辦公室
相片來源：shutterstock
