相信大家一諗起烏龜，就會諗起綠色嘅巴西龜！但係近日，印度出現一隻罕見嘅檸檬黃色嘅烏龜，非常搶眼。印度漁民日前發現咗呢隻金黃色烏龜，立刻將烏龜轉交當地森林機構，不過金黃烏龜太奇特，連保育人員都表示無見過。佢除咗全身黃色之外，隻眼同四隻爪係紅色嘅，究竟佢係咩品種嫁呢？
圖：ig @motheturtlewhisperer ; ig @turtoise.indo
專家表示，黃色嘅烏龜其實並唔係咩特別品種，而係患有白化症，體內無法產生黑色素。雖然白化症唔會令烏龜致命，不過佢哋鮮豔嘅顏色就好容易成為獵捕者嘅目標，令佢哋喺野外好難生存。
其實泰國曼谷之前都有農場孵出金黃色嘅烏龜，烏龜仲有兩個頭嫁。不過呢隻烏龜要價高達一百萬泰銖，約港幣 25 萬元。
資料來源：CNN
