大家有無見過呢種水蜜桃色嘅鸚鵡呢?呢種叫秋草鸚鵡 (Bourke’s Parrot)。秋草鸚鵡嘅學名叫伯克氏草原鸚鵡,全身呈粉色,有少許白色,翼嘅尖端呈黃色。佢嘅性格好友善,而且仲十分安靜溫順,無攻擊性。佢哋原產地係喺澳洲,主要分佈喺昆士蘭西南部、新南威爾斯西部、澳洲中部、西澳洲最北部及部分內陸地區。
秋草鸚鵡食嘅嘢好簡單,餵飼佢哋嘅食材唔洗好貴,佢哋一般只係食新鮮嘅葉、水果蔬菜及植物嘅種子等。但係因為秋草鸚鵡比較罕見,所以價格較高,市場調查發現,秋草鸚鵡價格一般喺 HK$1,000 至 HK2,000 之間,而成年嘅秋草鸚鵡價格更高,大約 HK$2,500 以上。
好多人養鸚鵡,都好想訓練佢哋講嘢,但係訓練佢哋講嘢係需要好有耐性加嫁,專家教路,朝早係是訓練鸚鵡講嘢嘅最好時機,因為朝早鸚鵡比較活躍,選擇安靜嘅地方同用食物黎引誘佢哋,都會比較 work。就好似教小朋友講嘢一樣,要從最簡單嘅「你好」、「再見」、「拜拜」之類嘅簡單詞語教起,絕對唔可以操之過急嫁,嚇怕咗佢哋,訓練就會變得更加困難嫁喇!
資料及相片來源:Beauty of Birds